STİLİNİZİ SEÇİN
TEMA SEÇİN
RƏNG PALİTRASI
STİLİNİZİ SEÇİN
TEMA SEÇİN
RƏNG PALİTRASI
19 sentyabr tarixində Naxçıvan MR Rəssamlar Birliyinin B.Kəngərli adına sərgi salonunda pedaqoq-rəssam Gülnarə Hüseynovanın "Yaradıcı müəllim ömrü- qobelen, makrame, qrafika" adlı sərgisi keçirilmişdir. Sərgini Rəssamlar Birliyinin sədri Ülviyyə Həmzəyeva açmış və çıxışlardan öncə Şəhidlərimizin əziz ruhları bir dəqiqəlik sükutla yad edilmişdir. Sonra çıxış edənlər: Uşaq Musiqi və İncəsənət Məktəbinin direktoru Elşən Xəlilov, Azərbaycan Respublikasının əməkdar rəssamı Telman Abdinov, əməkdar rəssam və Naxçıvan Dövlət Universitetinin İncəsənət Fakültəsinin dekanı Cavid İsmayılov, digər rəssam yoldaşlar, ailə üzvləri çıxışlar edərək, sərgi müəllifini təbrik etmişlər. Sonra ekspozisiyaya baxış olmuşdur. Ekspozisiyada rəssamın simvolik olaraq 65 əsəri nümayiş etdirilib.
Gülnarə Hüseynova 1964-cü il 5 oktyabr ayında Naxçıvan şəhərində anadan olmuşdur.1978-ci ildə Sabir Qədimovun tələbəsi olmuşdur. 1979-1983-cü illərdə Ə. Əzimzadə adına Rəssamlıq Məktəbində təhsil almışdır. Təhsil aldığı müddətdə fərqlənərək, müsabiqələrdə birinciliklər də əldə etmişdir. 1983-1986-cı illərdə Azərbaycan Rəssamlar İttifaqında keçirilən sərgilərdə əsərləri ilə iştirak etmişdir. 1984-cü ildə Naxçıvanın 60 illiyinə həsr olunmuş böyük sərgidə iştirak etmişdir. Barəsində, qəzetdə "Rənglərin simfoniyası"adlı məqalə çap olunmuşdur. 2019- cü ildə Prezident mükafatına layiq görülmüşdür. Sərgimizə dəvət edirik... Növbəti sərgimizdə görüşənədək! Hörmətlə, Naxçıvan Muxtar Respublikası Rəssamlar Birliyi
