NOVRUZOV Arzu Zakir 26.06.1986-cı ildə  Naxçıvan şəhərində anadan olmuşdur. Rəssam. Naxçıvan Dövlət Universitetinin İncəsənət fakültəsinin Təsviri İncəsənət, rəsmxət və əmək müəllimi ixtisası üzrə təhsil almışdır (2005-2008). Azərbaycan Rəssamlar İttifaqının (2011) və Naxçıvan MR Rəssamlar Biriyinin üzvüdür (2012). Naxçıvan Muxtar Respublikası Dövlət Televiziya və Radio verlişləri Komitəsində baş rəssam (2009) və Məhəmməd Tağı Sidqi adına Naxçıvan Dövlət Kukla Teatrında rəssam vəzifəsində çalışır (2009). Naxçıvan MR Rəssamlar Birliyinin təşkil etdiyi sərgilərin ən fəal iştirakçılarından biridir. Naxçıvan Qalada keçirilən Ümummilli Lider Heydər Əliyevin anadan olmasını 93-cü il dönümünə həsr olunmuş “Yaradıcı əllər” festivalının qalibi (2016), Naxçıvan Gənclər və İdman Nazirliyi tərəfindən keçirilən müsabiqədə İlin gənc, fəal rəssamı (2010, 2011, 2013), Naxçıvan Muxtar Respublikası Ali Məclisinin Sədri Yanında Bilik Fondu “Naxçıvan: dünən və bugün” yaradıcılıq müsabiqəsində iştirakına görə rəsm əsəri ilə rejissor kimi film üzrə qalib (2016), Gənclər günü münasibəti ilə tədbirdə ilin ən gənc fəal rəssamı və rejissoru (2017) və Naxçıvan MR Rəssamlar Birliyinin təşkil etdiyi “Naxçıvan-95” “Yurdumun rəngləri” festival-müsabiqəsində qrafika nominasiyası üzrə III yerin qalibi olmuşdur (2019). Bir çox beynəlxalq tədbirlərdə iştirak edib. O cümlədən: İran İslam Rrespublikasında Beynəlxalq konfransda, Urmiya şəhərində 14 Beynəlxalq rəsm festivalında (2007), Polşada Rembrandt Van Rejnə həsr olunmuş sərgidə (2007), Türkiyənin Mersin şəhərində II Beynəlxalq Rəsm Festivalında (2016), Adanada Uluslararası Türk dünyası Rəsm Festivalında (2018), Türkiyə Fethiyə Beynəlxalq İlk Sualtı Rəsm Festivalında (2018), II “Dənizlərimiz və Rənglərimiz" Beynəlxalq Rəsm Festivalında (2019) Ərzurumda Azərbaycan Xalq Cümhuriyyətinin yaranmasının 101 illiyi, Naxçıvan Muxtar Respublikasının yaradılmasının 95-ci ildönümü və Milli Qurtuluş günü münasibətilə keçirilən tədbirlərin iştirakçısı olmuşdur (2019). Naxçıvan MR Rəssamlar Birliyinin təşkil etdiyi “Naxçıvan-bəşəriyyətin beşiyi” I, II, III, IV və V Beynəlxalq Rəsm Festivalının iştirakçısıdır (2012, 2014, 2016, 2018, 2021). Bakıda Azərbaycanın İstedadlı və yaradıcı gənclərin II Respublika toplantısında (2012), Azərbaycan rəssamlarının qurultayında (2013), ADEX Beynəlxalq Müdafiə Sənayesi və Beynəlxalq Sülh çərçivəsində keçirilən forumda (2014) Naxçıvanı təmsil etmiş və BAKU EXPO CENTERıdə əsərləri sərgilənmişdir (2019). Əsərləri Amerika, Almaniya, Rumuniya, Rusiya, Türkiyə, İtaliya, İran, Polşada, İstanbuldakı Kazım Qarabəkir paşa Muzeyində, Naxçıvan Dövlət Rəsm Qalereyasında və şəxsi kolleksiyalarda qorunub saxlanılır. Quruluşcu Rejissor olduğu Nemətullah Naxçıvaniyə həsr olunmuş “Təsvir alimi”, Bəhruz Kəngərliyə həsr olunmuş “Yarımçıq şəkil”, Ərtoğrul Cavid, Şəmil Qazıyev, Mirzə Vahab Həsənzadə, Cəlil Məmmədquluzadə, Mir Cəlil Seyidov, Yavuz Axundlu və Əyyub Hüseynov kimi ziyalıların həyat və yaradıcılıqlarına həsr olunan sənədli filmlərin də müəllifidir.