Gənc rəssamlar arasında “Naxçıvan Muxtar Respublikası – 95” devizi altında müsabiqə tipli Plener keçirilib - 30.08.2019

Naxçıvan Muxtar Respublikası Rəssamlar Birliyinin hamiliyinə verilən Naxçıvan Dövlət Universitetinin , Naxçıvan Müəllimlər İnstitutunun, eləcədə Naxçıvan Universitetinin, Naxçıvan Texniki Kollecinin gənc rəssamları arasında “Naxçıvan Muxtar Respublikası – 95” devizi altında müsabiqə tipli Plener keçirilib.

Naxçıvan MR Rəssamlar Birliyi və Gənclər Fondunun birgə təşkilatçılığı ilə keçirilən müsabiqədə, 12 istedadlı gənc iştirak edib. Plener dövrü işlənilən rəsmlər maraqla qarşılanıb.Belə ki, doğma diyarımızın tarixi keçmişi, zəngin təbiəti, bugünkü inkişaf prosesləri gənc rəssamların özünəməxsus qurduqları kompozisiyalardan ibarət olmuşdur. Müsabiqədə Rəssamlar Birliyinin sədri Ülviyyə Həmzəyeva, Gənclər Fondunun icraçı direktoru Cəbi Quliyev və tanınmış rəssam Rəfael Qədimovun təmsil olunduğu münsiflər heyəti tərəfindən birinci yerə 1, ikinci yerə 2, üçüncü yerə isə 3 nəfər layiq görülüb. Digər gənc rəssamlara isə iştirak etdikləri üçün təşəkkürnamələr və mükafatlar təqdim olunmuşdur.