21 fevral Naxçıvan MR Rəssamlar Birliyinin B.Kəngərli adına sərgi salonunda Xocalı faciəsinin 27-ci il dönümü qeyd edilmişdir.

"Xocalını Unutma" adlı rəsm sərgisində, 22 rəssamın 40 rəsm əsəri nümayiş olunmuşdur.
Rəssamlar Birliyi ilə, Yazıçılar Birliyinin birgə tədbirində, Proqrama əsasən, öncə Xocalı haqqında hazırlanmış videoçarxa baxılmışdır. Tədbirdə: Naxçıvan MR Rəssamlar Birliyinin sədri, Əməkdar rəssam, Milli Məclisin deputatı Ülviyyə Həmzəyeva, Naxçıvan MR Yazıçılar Birliyinin sədri, Ali Məclisin deputatı Asim Yadigar, Türkiyə Respublikasının Naxçıvandakı baş konsulu Mehnet Emin Kiraz, İran İslam Respublikasının Naxçıvandakı baş konsulluğun mədəniyyət mərkəzinin rəhbəri, Məhəmməd Rza Pəkravan, Memarlar Birliyinin sədri Heydər Əhmədov, Naxçıvan MR Yazıçılar Birliyinin üzvləri Elxan Yurdoğlu, Əbülfəz Özü, Vəli Qaraxan, Tofiq Qəbul Xocalıya həsr etdikləri şerlərini söyləmişlər. Tədbirdə musiqiçi-bəstəkar Cəlil İsmayılsoy tarda Qarabağ şikəstəsini ifa etmişdir. Sonda, tematik ekspozisiyaya baxış keçirilmiş, xatirə şəkli çəkdirilmişdir .
Sərgiyə, Naxçıvan MR Rəssamlar Birliyinin hamiliyinə verilmiş, NDU-nin və NMİ-nun tələbə, müəllim heyyəti dəvət olunmuşdur.

Sərginin işıqlandırılması üçün, TV-ya, radio və qəzet əməkdaşları dəvət olunmuşdur.