22 oktyabr 2021-ci il tarixdə Naxçıvan Muxtar Respublikası Rəssamlar Birliyinin B.Kəngərli adına sərgi salonunda Naxçıvan Rəssamlar Birliyinin 50 illik yubileyi çərçivəsində pedaqoq-rəssam Nizami Məmmədovun “Ata yurdumun peyzajları” adlı yaradıcılıq sərgisi keçirilmişdir.

21 Oktyabr 55 yaşını tamamlayan rəssamın ekspozisiyada simvolik olaraq 55 əsəri nümayiş olunurdu.

Sərgini giriş sözü ilə Rəssamlar Birliyinin sədri Ülviyyə Həmzəyeva açaraq, rəssamın yaradıcılıq yolundan geniş söz açmış, təbrik etmişdir.

Sonra Rəssamlar Birliyinin üzvləri Həmzə Sadiqov, Qəhrəman Tağıyev, Həsən Qurbanov, Ələsgər Ələsgərli, Hökümə Məmmədli, Səriyyə Əkbərova və digərləri çıxış etmişlər...Sərgidə rəssamın ailəsi və dostları da iştirak etmiş, rəssam haqqında xatirələrini bölüşmüşlər.