2 fevral "Gənclər Günü"nə həsr olunmuş Naxçıvan Muxtar Respublikası Rəssamlar Birliyinin, Naxçıvan Gənclər Fondunun birgə gənc rəssam Özcan Babayevin "Rənglərin rapsodiyası " adlı fərdi sulu boya sərgisi keçirilmişdir.

Tədbirdə Rəssamlar Birliyinin sədri, Milli Məclisin deputatı Ülviyyə Həmzəyeva, Gənclər Fondunun icraçı direktoru, Milli Məclisin deputatı Cəbi Quliyev  günün mahiyyətindən, yaranma tarixindən, dövlət qayğısından, gənclər siyasətinin prioritet istiqamətlərindən çıxış edərək, gənc rəssam Özcan Babayevin sərgisinə münasibət bildirmişlər. Sərgidə iştirak edən ustadlar, gənc rəssama uğurlar diləmiş, yaradıcılığı barədə geniş söz açmışlar. Gənclər Fondu tərəfindən Özcan Babayevə ilk sərgisindən xatirə olaraq plaket təqdim olunmuşdur. Həmçinim müəllifə Gənclər tərəfindən hədiyyə təqdim edilərək, özünə söz verilmişdir. B. Özcan dövlət tərəfindən gənclərə yaradılmış şəraitə, göstərilən diqqət və qayğı üçün minnətdarlıq bildirmişdir. Sərgini açmazdan öncə, Vətən Müharibəsi gənc igidlərimiz bir dəqiqəlik sükutla yad edilmişdir.  Ekspozisiyada rəssamın bir çox mövzuya toxunan 52 sulu boya tablosu sərgilənmişdir.