02 fevral 2019-cu il tarixdə Xalq Rəssamı, professor Hüseynqulu Əliyevi 70 illik yubileyi keçirildi

Xalq Rəssamı, professor Hüseynqulu Əliyevi 70illik yubileyi münasibətilə münasibəti ilə təbrik edirik!

Naxçıvan MR Rəssamlar Birliyində Hüseynqulu Əliyevin sərgisini etmədik, çünki onun manumental əsərləri bizim şəhərimizi, rəngkarlıq və qrafikaları isə muzeylərimizi bəzəyir.

2 fevral Naxçıvan MR Mədəniyyət Nazirliyi tərəfindən C.Məmmədquluzadə adına Naxçıvan Dövlət Musiqili Dram Teatrında görkəmli rəssam və tişə ustası Hüseynqulu Əliyevin 70 illik yubileyi keçirilmişdir.

Tədbirdə Naxçıvan Muxtar Respublikasının Mədəniyyət naziri Natəvan Qədimova çıxış etmiş və Naxçıvan Muxtar Respublikası Ali Məclisinin Sədri adından yubilyara hədiyyə təqdim etmişdir.
Tədbirdə Naxçıvan Dövlət Universitetinin rektoru, AMEA-nın müxbir üzvü Saleh Məhərrəmov, Naxçıvan Muxtar Respublikası Rəssamlar Birliyinin sədri, Azərbaycan Respublikasının əməkdar rəssamı, Milli Məclisin deputatı Ülviyyə Həmzəyeva, Naxçıvan Muxtar Respublikası Ali Məclisinin deputatı və əməkdar rəssam Həbibə Allahverdiyeva, Xalq artisti, Cəlil Məmmədquluzadə adına Naxçıvan Dövlət Musiqili Dram Teatrının direktoru Rza Xudiyev, yubilyarın dostları- Xalq artisti Kamran Quliyev, Azərbaycan Respublikasının Əməkdar rəssamı Telman Abdinov, Naxçıvan Muxtar Respublikasının Əməkdar rəssamı Səyyad Bayramov çıxış edərək, təbrik etmişlər.

Rəssam - heykəltaraş Hüseynqulu Əliyev, 3 fevral 1949-cu ildə Naxçıvanın qədim və gözəl güşələrindən, Ordubad şəhərinin Bist kəndində anadan olmuşdur.

1975 - ci ildə Əzim Əzimzadə adına Azərbaycan Dövlət Rəssamlıq Məktəbində təhsil almışdır,
1978 -ci ildə Azərbaycan Dövlət İncəsənət İnstitutunda təhsilinə davam etmişdir,
1982- ci ildə Naxçıvana qayıtmış, Naxçıvan Dövlət Rəsm Qalereyasında fond müdiri kimi fəaliyyət göstərir, 1989 - cu ildən Cəlil Məmmədquluzadə adına Naxçıvan Dövlət Musiqili Dram Teatrının baş rəssamı vəzifəsində çalışır, 1988 - ci ildə Azərbaycanın Əməkdar İncəsənət xadimi,1999 - cu idə Azərbaycanın Əməkdar rəssamı, 2000 - ci ildə Naxçıvan MR Rəssamlar Birliyinin sədri kimi fəaliyyət göstərmişdir, 2002 - ci ildə Azərbaycanın Xalq rəssamı adına layiq görülmüşdür, 2003 - cü ildən Naxçıvan Dövlət Universitetinin Təsviri İncəsənət və Rəngkarlıq kafedrasının müdiri təyin olunmuşdur, 2008 - ci ildən Naxçıvan Dövlət Universitetinin Dosenti,
2017 - ci ildən Naxçıvan Dövlət Universitetinin professorudur.

Azərbaycan Teatr Xadimləri ittifaqının, Azərbaycan Rəssamlar İttifaqının üzvüdür.

Foto- Araz Xudiyev