Muxtar Respublika üzrə keçirilən ustad dərslərində iştirak edən şagirdlərin və yaradıcı uşaqların arasında rəsm və əl işlərindən ibarət ''ustad dərslərinin yekun'' tədbiri keçirilmişdir

16 dekabr 1995-ci il tarixində parlamentin sessiyasında cənab Vasif Talıbov Naxçıvan Muxtar Respublikasının Ali Məclisinin sədri seçilmişdir. Muxtar Respublika Rəhbərinin təsviri sənətə - rəssamlığa böyük diqqət və qayğısı, balaca istedadlardan da yan keçməmiş, yaradılan şərait onlarda öz istedadlarını inkişaf etdirmək, bacarıq və bilikləri durmadan artırmaq istəyi yaratmışdır.
16 dekabr 2019-cu il tarixində Naxçıvan Muxtar Respublikası Rəssamlar Birliyinin B.Kəngərli adına sərgi salonunda, Muxtar Respublika üzrə keçirilən ustad dərslərində iştirak edən şagirdlərin və yaradıcı uşaqların arasında rəsm və əl işlərindən ibarət ''ustad dərslərinin yekun'' tədbiri keçirilmişdir. ''Balaca istedadlar'' adlı sərgi -müsabiqədə 97 şagirdin, 200 yaxın əsəri nümayiş olunmuşdur. Ustad dərslərimizin keçirilməsində yaxından iştitak edən Təhsil Nazirliyi ilə Mədəniyyət Nazirliyinə dərin təşəkkürümüzü bildirir, hər iki qurumun rəhbərlərinin də sərgimizdə iştirakı, balaca istedadlarımızı çox həvəsləndirmiş və sevindirmişdir.
Ustad dərslərimiz gələn 2020 ci ildə də öz fəaliyyətini davam etdirəcəkdir!

Ustad dərslərində iştirak edən bütün üzvlərimizə və ''Rəsm'' dərnəklərimizin müəllimlərinə sonsuz təşəkkür edirik!