Naxçıvan Muxtar Respublikası Rəssamlar Birliyi hər il olduğu kimi, 22 yanvar Bəhruzbəy Kəngərlinin doğum gününü qeyd etmişdir.

Tədbir, NRB-k üzvlərinin və Gənc Rəssamlar Bölməsi üzvlərinin birgə Rəssamlar Parkına yürüşü ilə başlamışdır. Rəssamlar görkəmli fırça ustasının heykəli önünə gül qoymuşlar. Sənətşünas Nizami Alıyevin "Bəhruz ömrü" adlı çıxışı dinlənilmişdir.

Rəssamlar isə öz çıxışlarında görkəmli rəssamın irsinə və Muxtar Respublikada yaşayıb-yaradan sənətkarlara göstərilən diqqət və qayğı üçün Muxtar Respublika Rəhbərinə minnətdarlıq etmişlər.

Tədbirin sonunda xatirə şəkli çəkdirilmişdir. Bəhruzbəy Kəngərli (Bəhruz-Şamil Şirəlibəy oğlu) 22 yanvar 1892 ci ildə Naxçıvanda doğulmuşdur. Azərbaycan rəngkarlıq sənətində ilk akademik rəsm üslubunda işləyərək realist əsərləri ilə novatorluğa yol açmış Azərbaycan rəssamıdır.

7 fevral 1922 ci ildə Naxçıvanda əbədiyyətə qovuşmuşdur.

Foto reportaj;

NRB Rəssam-Fotoqraf Araz Xudiyev